સંસ્થામાં અભ્યાસ કરતા 81 માંથી 80 વિદ્યાર્થીઓ ઉચ્ચ ગુણાંક સાથે પાસ : 75 PR થી ઉપર 20 વિદ્યાર્થીઓ….
વાંકાનેર તાલુકાના પીપળીયા રાજ ગામે આવેલ દિની અને દુન્વયી શિક્ષણ ક્ષેત્રે નામાંકિત એવી દારૂલ ઉલૂમ ગૌષે સમદાની સંસ્થામાં કાર્યરત ગરીબ નવાઝ માધ્યમિક શાળામાં આજરોજ ધોરણ 10નું ઐતિહાસિક 98.76% પરિણામ જાહેર થયું છે, આ સંસ્થામાં અભ્યાસ કરતા વિદ્યાર્થીઓ દિનની તાલીમ સાથે દુનિયાની તાલીમમાં પણ અગ્રેસર રહી દર વર્ષની માફક આ વર્ષે પણ ઉજ્જવળ પરિણામની પરંપરા જાળવી રાખી છે….
વર્ષ 2005 થી આ સંસ્થામાં ધોરણ 10માં અભ્યાસ કરતા વિદ્યાર્થીઓ દર વર્ષે સતત 90% થી ઉપર જ પરિણામો આપી દિનની સાથે દુનિયાવી તાલીમમાં નિપુણતા મેળવી રહ્યા છે ત્યારે આ વર્ષે પણ વિદ્યાર્થીઓએ આ પરંપરાને આગળ વધારી 20 વિદ્યાર્થીઓએ 75 PR વધુ ગુણાંક મેળવ્યા છે. આ સાથે જ સંસ્થા વિવિધ સામાજિક સેવાકીય પ્રવૃત્તિઓમાં પણ સતત અગ્રેસર રહી શ્રેષ્ઠ સમાજ અને વ્યક્તિત્વ નિર્માણની દિશામાં આગળ વધી રહી છે. સંસ્થા સાથે સંકળાયેલ શ્રેષ્ઠ મેનેજમેન્ટ ટીમ તથા સ્ટાફની અથાગ મહેનતથી સંસ્થામાં અભ્યાસ કરતા વિદ્યાર્થીઓને દિની અને દુનિયાવી તાલીમમાં નિપુણ બનાવી સમાજને સર્વશ્રેષ્ઠ નાગરિકો પ્રદાન કરવાનું કાર્ય કરવામાં આવી રહ્યું છે…
સમાજની આવનાર પેઢીને દીની તાલીમ અને સંસ્કારના સિંચન સાથે સારૂ શિક્ષણ આપવા સક્રિય આ સંસ્થામાં આગામી નવા વર્ષ માટે ધોરણ 11 કોમર્સમાં એડમિશન પ્રક્રિયા શરૂ કરવામાં આવી છે….
