વાંકાનેર સિવિલ હોસ્પિટલ ખાતે આયોજિત મેડિકલ કેમ્પમાં વિવિધ વિભાગોના તબીબો નિઃશુલ્ક સેવા આપશે…
મોરબી જિલ્લા વિકાસ અધિકારી શ્રી જે. એસ. પ્રજાપતિના માર્ગદર્શન હેઠળ અને ઓલ ઈન્ડિયા મેડીકલ સાયન્સીસ (AIIMS) રાજકોટના સહયોગથી નાગરિકોની સુખાકારી અને તંદુરસ્તીને ધ્યાનમાં રાખી મોરબી જિલ્લામાં સૌપ્રથમ વખત આગામી તા. ૧૦ નવેમ્બરના રોજ વાંકાનેર સિવિલ હોસ્પિટલ ખાતે ફ્રી મેગા મેડીકલ નિદાન કેમ્પનું ખાતે આયોજન કરવામાં આવ્યું છે….
આ મેડિકલ કેમ્પમાં એઈમ્સ હોસ્પિટલ રાજકોટના નિષ્ણાંત વિવિધ ક્ષેત્રના તબીબો દ્વારા નિઃશુલ્ક નિદાન સાથે સેવા આપવામાં આવશે. આ ઉપરાંત મેડીસીન, હાડકાં, ફેફસાં, કાન, નાક, ગળા, કેન્સર, આંખ, બાળરોગ, સ્ત્રી રોગ, સર્જરી, ચામડી, એનેસ્થેસિયા અને દાંતના રોગોનું નિદાન, દવા વિતરણ, લેબોરેટરી રિપોર્ટ કરી આપવામાં આવશે. તેમજ કેમ્પમાં લેબોરેટરી તથા એક્સ-રે ની સુવિધા નિ:શુલ્ક ઉપલબ્ધ રહેશે અને સાથે સાથે બ્લડ ડોનેશન કેમ્પનું આયોજન કરવામાં આવ્યું છે….
આગામી તારીખ ૧૦ નવેમ્બરના રોજ વાંકાનેર સિવિલ હોસ્પિટલ ખાતે સવારના ૦૮ થી બપોરે ૦૨ સુધી આ કેમ્પ યોજાશે, જેથી આ સર્વરોગ નિદાન કેમ્પનો સર્વે નાગરિકોને બહોળા પ્રમાણમાં લાભ મેળવવા મોરબી જિલ્લા વિકાસ અધિકારી શ્રી જે. એસ. પ્રજાપતિ અને મોરબી મુખ્ય જિલ્લા આરોગ્ય અધિકારી શ્રી ડો. ડી. બી. મહેતાની દ્વારા જણાવવામાં આવ્યું છે.
વાંકાનેર વિસ્તારમાં બનતી દરેક ઘટના અને દરેક સમાચારો સૌથી પહેલા મેળવવા માટે ચક્રવાત ન્યુઝ સાથે જોડાઓ….🗞️
👉🏻 નીચેની લિંક પર ક્લિક કરી અમારા WhatsApp ગ્રુપમાં જોડાઓ અને અન્ય લોકોને પણ આ લિંક Share કરી તેમને આપણી સાથે જોડો…..👇🏻👇🏻👇🏻
https://chat.whatsapp.com/Bq4VwasfRH78d4j5Ci0O5L
