મોરબી જિલ્લામાં કાયદો અને વ્યવસ્થા જાળવવા તેમજ નાસતા ફરતા આરોપીઓને પકડવા માટે પોલીસ દ્વારા ખાસ ઝુંબેશ હાથ ધરવામાં આવી છે. જે અંતર્ગત મોરબી એલસીબી ટીમએ વાંકાનેર સિટી અને તાલુકા વિસ્તારમાં નોંધાયેલા દારૂના જુદા જુદા બે ગુનામાં લાંબા સમયથી નાસતા ફરતા બે આરોપીઓને ઝડપી પાડીને સ્થાનિક પોલીસને હવાલે કર્યા છે…..
બાબતે પ્રાપ્ત વિગતો અનુસાર મોરબી એલસીબી પી.આઈ. એસ. પી. જાડેજાના માર્ગદર્શન હેઠળ તેમની ટીમ દ્વારા નાસતા-ફરતા આરોપીઓને પકડવા સ્પેશિયલ ડ્રાઇવનું આયોજન કરવામાં આવ્યું હોય, જે અંતર્ગત પેટ્રોલીંગ અને બાતમીના આધારે પોલીસે વાંકાનેર તાલુકા પોલીસ મથકમાં નોંધાયેલા પ્રોહિબિશન (દારૂ) ના ગુનામાં વોન્ટેડ આરોપી સલીમ ઉર્ફે સાલો બાબુભાઈ વિકિયાણી (ઉ.વ. 38, રહે. સરાયા, તા. ટંકારા)ને વાંકાનેર બાઉન્ડ્રી નજીક પુલની નીચેથી
તેમજ વાંકાનેર સિટી પોલીસ સ્ટેશનમાં નોંધાયેલા દારૂના ગુનામાં ફરાર આરોપી વિશાલભાઈ ભીખુભાઈ ઓળકિયા (ઉ.વ. 25, રહે. જીંજુડા, તા. ચોટીલા) ને વાંકાનેર નેશનલ હાઇવે પર વઘાસીયા ટોલનાકા પાસેથી ઝડપી પાડી બંને આરોપીઓને સ્થાનિક પોલીસ હવાલે કરી કાયદેસરની કાર્યવાહી હાથ ધરી હતી….
