વાંકાનેરમાં જરૂરિયાતમંદ દર્દીઓને સમયસર રક્ત મળી રહે તે હેતુથી યુવા સારથી સંગઠન દ્વારા આવતીકાલ તા. 25 સપ્ટેમ્બર, શુક્રવારના રોજ વાંકાનેર શહેરના વિશ્વકર્મા મંદિર, જીનપરા ખાતે સાંજે ૪ થી ૧૦ દરમિયાન મહારક્તદાન કેમ્પનું આયોજન કરવામાં આવ્યું છે. આ કેમ્પનું આયોજન યુવા સારથી સંગઠનના પ્રમુખ જયેન્દ્રસિંહ મઘુભા ઝાલાના જન્મદિવસ નિમિત્તે કરવામાં આવ્યું છે.
રક્તની જરૂરિયાત ધરાવતા દર્દીઓમાં ખાસ કરીને થેલેસેમિયા સહિતની વિવિધ તબીબી પરિસ્થિતિઓમાં નિયમિત રક્તની જરૂરિયાત રહેતી હોય છે, આવા સંજોગોમાં સ્વૈચ્છિક રક્તદાનને પ્રોત્સાહન મળે અને રક્તની ઉપલબ્ધતા જળવાઈ રહે તે દિશામાં આ કેમ્પનું આયોજન કરવામાં આવ્યું છે.
આ આયોજનમાં વાંકાનેરની વિવિધ સામાજિક અને સેવાકીય સંસ્થાઓનો સહયોગ પ્રાપ્ત થયો છે. જીવદયા / સેવા ગ્રુપ, ગાયત્રી શક્તિપીઠ વાંકાનેર, દેવદયા ચેરીટેબલ ટ્રસ્ટ, રાષ્ટ્રીય સ્વયંસેવક સંઘ, અજરામર એક્ટિવ અસૉર્ટ, AAA ગ્રુપ વાંકાનેર, ભારત વિકાસ પરિષદ, વેલનાથ મિત્ર મંડળ, સિદ્ધેશ્વર મહાદેવ મિત્ર મંડળ, ચંદ્રમોલેશ્વર મહાદેવ મિત્ર મંડળ, અનકુંવરબા ધામ સેવા સમિતિ, બાપા સીતારામ ગ્રુપ, ગંગેશ્વર મહાદેવ મિત્ર મંડળ, નર્મદેશ્વર મહાદેવ મિત્ર મંડળ, ગૌ રક્ષક ગ્રુપ, બાલા હનુમાન ગ્રુપ, સ્મશાન સેવા સમિતિ, બોલ બાલા ટ્રસ્ટ, શ્રમ સિદ્ધિ ગ્રુપ અને શ્રી ગઢીયા હનુમાન મિત્ર મંડળ સહિતની સંસ્થાઓ આ સેવાકીય પ્રયાસમાં સહયોગી બની છે…
યુવા સારથી સંગઠન દ્વારા જણાવવામાં આવ્યું છે કે, રક્તદાન કરનાર દરેક વ્યક્તિનું યોગદાન કોઈ જરૂરિયાતમંદ માટે જીવનમાં આશાનું કારણ બની શકે છે. કેમ્પમાં રક્તદાન કરનાર રક્તદાતાઓનું પ્રમાણપત્ર આપી સન્માન કરવામાં આવશે. રક્તદાન અંગે વધુ માહિતી અથવા કેમ્પમાં ભાગ લેવા માટે મો. 8799239442 પર સંપર્ક કરી શકાશે….
વાંકાનેર વિસ્તારમાં બનતી દરેક ઘટના અને દરેક સમાચારો સૌથી પહેલા મેળવવા માટે ચક્રવાત ન્યુઝ સાથે જોડાઓ….🗞️
👉🏻 નીચેની લિંક પર ક્લિક કરી અમારા WhatsApp ગ્રુપમાં જોડાઓ અને અન્ય લોકોને પણ આ લિંક Share કરી તેમને આપણી સાથે જોડો…..👇🏻👇🏻👇🏻
https://chat.whatsapp.com/GaqmfRRLcAR4hmBSHBv1CQ?mode=gi_t
