વાંકાનેર તાલુકાના રંગપર ગામ ખાતે આવેલ એક રહેણાંક મકાનના ફળીયામાં પોલીસે ચોક્કસ ખાનગી બાતમીને આધારે દરોડો પાડી ઢોરની ગમાણમાં ચોરખાનું બનાવી છુપાવેલ દેશી તથા વિદેશી દારૂનો જથ્થો ઝડપી પડી ધોરણસરની કાર્યવાહી હાથ ધરી છે…
બનાવની પ્રાપ્ત વિગતો મુજબ વાંકાનેર તાલુકા પોલીસ ટીમ દ્વારા ચોક્કસ ખાનગી બાતમીને આધારે વાંકાનેરના રંગપર ગામે આવેલ આરોપી ભીખુભાઈ દાદભાઈ તકમરીયાના રહેણાંક મકાનમાં દરોડો પાડી મકાનના ફળીયામાં ઢોર બાંધવાની ગમાણમાં કડબ નીચે સંતાડી રાખેલ 140 લીટર દેશી દારૂ (કિંમત રૂ. ૨૮,૦૦૦) તેમજ
ચોરખાનામાં સંતાડી રાખેલ 80 બોટલ વિદેશી દારૂ (કિંમત રૂ. ૧,૦૩,૮૦૦) સહિત કુલ રૂ. 1,31,800નો મુદ્દામાલ જપ્ત કર્યો હતો. પોલીસના આ દરોડા દરમિયાન આરોપી ભીખુભાઈ હાજર નહિ મળી આવતા તેને ફરાર દર્શાવી આરોપી વિરુદ્ધ વાંકાનેર તાલુકા પોલીસ મથકમાં પ્રોહીબિશન એકટ મુજબ ગુનો નોંધી કાયદેસરની કાર્યવાહી હાથ ધરી છે….
વાંકાનેર વિસ્તારમાં બનતી દરેક ઘટના અને દરેક સમાચારો સૌથી પહેલા મેળવવા માટે ચક્રવાત ન્યુઝ સાથે જોડાઓ….🗞️
👉🏻 નીચેની લિંક પર ક્લિક કરી અમારા WhatsApp ગ્રુપમાં જોડાઓ અને અન્ય લોકોને પણ આ લિંક Share કરી તેમને આપણી સાથે જોડો…..👇🏻👇🏻👇🏻
https://chat.whatsapp.com/DpyEBemrjbO3muVShYJWg1
