વાંકાનેર તાલુકા પોલીસ ટીમ દ્વારા ચોક્કસ ખાનગી બાતમીને આધારે વાંકાનેરના જોધપર ગામ નજીક નેશનલ હાઈવે પર ફિલ્મી ઢબે એક આઇ-20 કારનો પીછો કરી વાંકાનેરના જીનપરા જકાતનાક પાસે નેશનલ હાઇવે પરથી 500 લીટરથી વધારે દેશી દારૂ ભરેલ કાર સાથે એક શખ્સને ચાર લાખનાં મુદ્દામાલ સાથે ઝડપી પાડી ધોરણસરની કાર્યવાહી હાથ ધરી હતી….
બનાવની પ્રાપ્ત વિગતો મુજબ વાંકાનેર તાલુકા પોલીસ ટીમ દ્વારા ચોક્કસ ખાનગી બાતમીને આધારે વાંકાનેરના જોધપર ગામ નજીક નેશનલ હાઈવે પરથી પસાર થતી એક આઇ-20 કારને રોકવાનો ઇશારો કરતાં કાર ચાલકે પોતાનું વાહન વાંકાનેર તરફ હંકારી મૂકતા પોલીસે ફિલ્મ ઢબે કારનો પીછો કરી વાંકાનેરના જીનપરા જકાતનાકે પાસેથી આઇ-20 કાર નં. GJ 36 F 0759 ને રોકી તલાશી લેતા તેમાંથી 500 લિટર દેશી દારૂનો જથ્થો મળી આવ્યો હતો, જેથી પોલીસે આ બનાવમાં કાર ચાલક આરોપી રફીક ઉર્ફે રફલો હબીબભાઈ વીકીયા (ઉ.વ. ૩૫, રહે. ચંદ્રપુર) ને દેશી દારૂ તથા કાર સહિત ચાર લાખના મુદ્દામાલ સાથે ઝડપી પાડી ધોરણસરની કાર્યવાહી હાથ ધરી હતી….
આ બનાવમાં પોલીસની પ્રાથમિક તપાસમાં દારૂનો જથ્થો આપનાર સુરૂભા કાઠી દરબાર (રહે. ખાટડી, તા. ચોટીલા) અને દારૂનો જથ્થો મંગાવનાર તરીકે શીવરાજસિંહ સહદેવસિંહ ઝાલા (રહે. વઘાસીયા) નું નામ ખુલતા પોલીસે આ બંને આરોપીઓ વિરુદ્ધ પણ પ્રોહિબીશન એક્ટ હેઠળ ગુનો નોંધી બનાવમાં વધુ તપાસ શરૂ કરી છે...
વાંકાનેર વિસ્તારમાં બનતી દરેક ઘટના અને દરેક સમાચારો સૌથી પહેલા મેળવવા માટે ચક્રવાત ન્યુઝ સાથે જોડાઓ….🗞️
