વાંકાનેર તાલુકાની પાડધરા ચોકડી ખાતે ગત તા. 21ની રાત્રીના સામાન્ય બોલચાલ બાબતે બે કારમાં આવેલા આઠ શખ્સોએ ધોકા-પાઇપ જેવા પ્રાણઘાતક હથિયારો વડે હુમલો કરી બેફામ મારી યુવાનની હત્યા કરી નાખી હોય, જે બનાવ મામલે વાંકાનેર તાલુકા પોલીસે ત્રણ આરોપીઓની ધરપકડ કરી છે….
બનાવની પ્રાપ્ત વિગતો મુજબ વાંકાનેરની પાડધરા ચોકડી નજીક ગત તા. 21ની રાત્રીના સામાન્ય બોલચાલ બાદ સામંતભાઈ નગાભાઈ કરમુર નામના ખાણ સંચાલકને આરોપી ૧). આકાશ ઉર્ફે આખલો ઓડેદરા, ૨). વેજો કારાવદરા, ૩). જયમલ કારાવદરા, ૪). ભરત ઓડેદરા, ૫). રામભાઈ મેર બોખીરા તથા ત્રણ અજાણ્યા ઇસમો બે કારમાં આવી ધોકા તથા પાઇપ જેવા પ્રાણઘાતક હથિયાર વડે હુમલો કરી બેફામ માર મારી યુવાનની હત્યા કરી નાખી હોય,
જે બનાવ મામલે વાંકાનેર તાલુકા પોલીસ ટીમ દ્વારા તપાસનો ધમધમાટ ચલાવી ગુનામાં સંડોવાયેલા આરોપી આકાશ ઉર્ફે આખલો ઓડેદરા, વેજો કારાવદરા અને ભરત ઓડેદરાની ધરપકડ કરી આરોપીઓના રિમાન્ડ મેળવવા તજવીજ શરૂ કરી અન્ય આરોપીઓને ઝડપી લેવા ચક્રો ગતિમાન કર્યા છે….
