વાંકાનેર તાલુકાના તરકીયા ગામની સીમમાં આવેલી એક વાડીમાં 26 વર્ષીય યુવકે કોઈ અગમ્ય કારણોસર ઝેરી દવા પી લેતા તેનું મોત નીપજ્યું હોવાનો બનાવ સામે આવ્યો છે. આ ઘટનાને પગલે પરિવારજનોમાં શોકની લાગણી પ્રસરી ગઈ છે….

મળતી માહિતી મુજબ, મૂળ ચોટીલા તાલુકાના નારીયેળી ગામના વતની અને હાલ વાંકાનેરના તરકીયા ગામની સીમમાં રહેતા સંજયભાઈ બીજલભાઈ સરવૈયા (ઉ.વ. 26) એ તરકીયા ગામની સીમમાં આવેલી વાડીએ કોઈ અગમ્ય કારણોસર ઝેરી દવા પી લેતાં તેનું મોત નીપજ્યું હતું.
આ બનાવ અંગે પોલીસને જાણ કરવામાં આવતા પોલીસે બનાવની અકસ્માત મૃત્યુ નોંધ કરી કાયદેસરની કાર્યવાહી હાથ ધરી છે. યુવકે કયા કારણોસર આ અંતિમ પગલું ભર્યું તે અંગેનું ચોક્કસ કારણ હજુ સામે આવ્યું નથી, જે અંગે પોલીસ દ્વારા વધુ તપાસ ચલાવવામાં આવી રહી છે….


