મોરબી જિલ્લાની તમામ સરકારી પ્રાથમિક શાળાઓના બાળકોમાં ન્યૂઝ વાચનની સુટેવ કેળવાય, તે હેતુથી મોરબી જિલ્લા વિકાસ અધિકારી જે. એસ. પ્રજાપતિની પ્રેરણાથી જિલ્લા પ્રાથમિક શિક્ષણાધિકારી નમ્રતાબેન મહેતાના માર્ગદર્શન હેઠળ સમગ્ર મોરબી જિલ્લામાં એક સકારાત્મક પહેલ શરૂ કરવામાં આવી છે, જેમાં મોરબી જિલ્લાની તમામ સરકારી પ્રાથમિક શાળાઓના બાળકો દ્વારા પોઝિટિવ ન્યૂઝનું વાચન થાય,
જેમાં રમત ગમત, પર્યાવરણ અને જનરલ નૉલેજ સંબંધીત સમાચારોનું શાળાના પ્રાર્થના કાર્યક્રમમાં ગુજરાતી અને અંગ્રેજી એમ બે ભાષાઓમાં વિદ્યાર્થીઓ દ્વારા વાચનની શરૂઆત કરવામાં આવી છે, જે અંતર્ગત આજરોજ વાંકાનેર તાલુકાની તમામ સરકારી પ્રાથમિક શાળાઓમાં વિદ્યાર્થીઓએ પ્રાર્થના કાર્યક્રમ દરમ્યાન પોઝિટિવ ન્યૂઝનું વાચન કર્યું હતું….
વાંકાનેર તાલુકાના ઉત્સાહી શિક્ષકો નરેન્દ્રભાઈ કાલરિયા અને જિતેન્દ્રભાઈ પાંચોટિયાએ સાથે મળીને સમાચારોનું સંકલન કરીને પોઝિટિવ ન્યૂઝની એક પી.ડી.એફ. તૈયાર કરી હતી. જેમાં બી.આર.સી. કૉ.ઑ. મયૂરસિંહ પરમાર દ્વારા આ પી.ડી.એફ. વાંકાનેરની તમામ સરકારી પ્રાથમિક શાળાઓમાં વ્હોટ્સએપના માધ્યમથી પહોંચાડવામાં આવી હતી. જેની વાંકાનેર તાલુકાના તાલુકા પ્રાથમિક શિક્ષણાધિકારી ડૉ. જે. જી. વોરાએ સરાહના કરી હતી….
વાંકાનેર વિસ્તારમાં બનતી દરેક ઘટના અને દરેક સમાચારો સૌથી પહેલા મેળવવા માટે ચક્રવાત ન્યુઝ સાથે જોડાઓ….🗞️
👉🏻 નીચેની લિંક પર ક્લિક કરી અમારા WhatsApp ગ્રુપમાં જોડાઓ અને અન્ય લોકોને પણ આ લિંક Share કરી તેમને આપણી સાથે જોડો…..👇🏻👇🏻👇🏻
https://chat.whatsapp.com/BzBEAnMDttU3jN1wz2iIBp
