Wednesday, February 12, 2025
More
    Homeમુખ્ય સમાચારવાંકાનેરના તિથવા ગામની સીમમાં વાડીની ઓરડીમાં ચાલતા જુગારધામ પર પોલીસનો દરોડો, પાંચ...

    વાંકાનેરના તિથવા ગામની સીમમાં વાડીની ઓરડીમાં ચાલતા જુગારધામ પર પોલીસનો દરોડો, પાંચ પત્તાપ્રેમીઓ ઝડપાયાં….

    વાંકાનેર તાલુકા પોલીસે રૂ. 53,850 નાં મુદામાલ સાથે પાંચ શખ્સોને ઝડપી લીધા….

    વાંકાનેર તાલુકા પોલીસ ટીમ દ્વારા ચોક્કસ ખાનગી બાતમીને આધારે વાંકાનેર તાલુકાના તિથવા ગામની સીમમાં વાડીની ઓરડીમાં ચાલતા જુગારધામ પર દરોડો પાડી પાંચ પત્તા પ્રેમીઓને રોકડ રકમ રૂ. 53,850 ના મુદ્દામાલ સાથે રંગેહાથ ઝડપી પાડી તમામ આરોપીઓ સામે જુગારધારાની કલમ હેઠળ ગુનો નોંધી કાયદેસરની કાર્યવાહી હાથ ધરી હતી….

    બનાવની પ્રાપ્ત વિગતો મુજબ વાંકાનેર તાલુકા પોલીસ ટીમને ખાનગી રાહે બાતમી મળેલ હોય કે, વાંકાનેરના તિથવા ગામની કાંકરીયા તરીકે ઓળખાતી સીમમાં આરોપી સરફરાજ શેરસીયા દ્વારા પોતાની વાડીની ઓરડીમાં બહારથી માણસો બોલાવી નાલ ઉઘરાવી જુગારનો અખાડો ચલાવવામાં આવતો હોય, જેના આધારે પોલીસે સ્થળ પર દરોડો પાડી આરોપી ૧). સરફરાજભાઈ ઇબ્રાહિમભાઈ શેરસીયા (રહે. તિથવા), ૨). દિનેશભાઇ ભવાનભાઈ કાનાણી (રહે. મોરબી),

    ૩). મહમદરફીકભાઈ અહમદભાઈ વકાલીયા (રહે. તિથવા), ૪). કાંતિલાલ બેચરભાઈ ભુત (રહે. સજનપર), અને ૫). દિપકભાઈ કરમશીભાઈ દેત્રોજા (રહે. મોરબી) ને રંગેહાથ જુગાર રમતા રોકડ રકમ રૂ. 53,850 ના મુદ્દામાલ સાથે ઝડપી પાડી તમામ આરોપીઓ સામે જુગારધારાની કલમ 4, 5 મુજબ ગુનો નોંધી કાયદેસરની કાર્યવાહી હાથ ધરી હતી….

    વાંકાનેર વિસ્તારમાં બનતી દરેક ઘટના અને દરેક સમાચારો સૌથી પહેલા મેળવવા માટે ચક્રવાત ન્યુઝ સાથે જોડાઓ….🗞️

    👉🏻 નીચેની લિંક પર ક્લિક કરી અમારા WhatsApp ગ્રુપમાં જોડાઓ અને અન્ય લોકોને પણ આ લિંક Share કરી તેમને આપણી સાથે જોડો…..👇🏻👇🏻👇🏻

    https://chat.whatsapp.com/BzBEAnMDttU3jN1wz2iIBp

    RELATED ARTICLES

    Most Popular

    Recent Comments

    error: Content is protected !!