વાંકાનેર તાલુકા પોલીસ સ્ટેશન વિસ્તારમાંથી ખોવાયેલા સાત મોબાઇલ ફોનને પોલીસ દ્વારા CEIR એપ્લિકેશનની મદદથી શોધી કાઢી તમામ ફોનને તેના મુળ માલીકને પરત કરી વાંકાનેર તાલુકા પોલીસ ટીમે ‘ પોલીસ પ્રજાનો મિત્ર ‘ સુત્રને સાર્થક કરી બતાવ્યું છે…
બાબતે વાંકાનેર તાલુકા પોલીસ ટીમ દ્વારા CEIR એપ્લીકેશનનો ઉપયોગ કરી આમ જનતાના ખોવાયેલ મોબાઇલની જરૂરી વિગત મેળવી એપ્લીકેશનમાં અપડેટ કરી અને આ એપ્લીકેશનનું રોજે રોજે અપડેટ મેળવી વાંકાનેર તાલુકા પોલીસ સ્ટેશનમાંથી લોકોના ખોવાયેલ કુલ રૂ. ૧,૨૦,૦૦૦ ની કિંમતના સાત મોબાઇલ શોધી કાઢી અરજદારોને પરત સોંપી ‘ તેરા તુજકો અર્પણ ‘ તથા ‘ પોલીસ પ્રજાનો મિત્ર ‘ સુત્રને સાર્થક કર્યું છે.
વાંકાનેર તાલુકા પોલીસ ટીમની આ કામગીરીમાં પીએસઆઇ એલ. એ. ભરગા, હેડ કો. મયુરધ્વજસિંહ જાડેજા, કો. જયદીપસિંહ જાડેજા, મહિલા કો. હંસાબેન પાપોદરા સહિતનો પોલીસ સ્ટાફ જોડાયો હતો….