મંડળીના પ્રમુખ-ઉપપ્રમુખ સહિતના હોદ્દેદારોની બીનહરીફ વરણી કરાઇ…
વાંકાનેર તાલુકાના પાંચદ્વારકા ગામ ખાતે આવેલ શ્રી પાંચદ્વારકા જુથ સેવા સહકારી મંડળીની વ્યવસ્થાપક સમિતિ માટે તાજેતરમાં જ ચુંટણી પ્રક્રિયા હાથ ધરવામાં આવી હોય, જેમાં સહકારી આગેવાન ઇસ્માઇલભાઈ બાદીની પેનલનો જ્વલંત વિજય થયો હતો. જે બાદ આજરોજ નવી બોડીમાંથી પ્રમુખ-ઉપપ્રમુખ સહિતના હોદ્દેદારોની વરણી કરવામાં આવી હતી.
જેમાં મંડળીના પ્રમુખ તરીકે સતત ચોથી વખત સહકારી અને રાજકીય આગેવાન ઇસ્માઇલભાઈ બાદીની વરણી કરવામાં આવી છે. આ સાથે જ મંડળીના ઉપપ્રમુખ તરીકે અલીમામદ હાજીભાઈ બાદી, લોન કમિટીમાં અબ્દુલભાઈ મામદ બાદી તથા ઇબ્રાહિમ રસુલભાઈ બાદી ની બિનહરીફ વરણી કરવામાં આવી છે…