રાત્રીના રોડ ઓળંગતા બે યુવાનોને કાર ચાલકે ઠોકર ચડાવ્યા, એકનું કરૂણ મોત, એક ગંભીર રીતે ઇજાગ્રસ્ત….
વાંકાનેરના ચંદ્રપુર નજીક માર્કેટિંગ યાર્ડ પાસે નેશનલ હાઈવે પર ગતરાત્રિના હાઇવેનો રસ્તો ઓળંગતા બે યુવાનોને બાઉન્ડ્રી તરફથી પુર ઝડપે આવતી કાર ચાલકે ઠોકરે ચડાવતા ગંભીર અકસ્માત સર્જાયો હોય, જેમાં એક યુવાનનું ઘટનાસ્થળે જ કમકમાટીભર્યું મોત થયું હતું, જ્યારે અન્ય એક યુવાનને ગંભીર ઇજાઓ પહોંચતા તાત્કાલિક સારવાર અર્થે હોસ્પિટલ ખાતે ખસેડવામાં આવ્યા હોવાની માહિતી મળી રહી છે….
બનાવની પ્રાપ્ત વિગતો મુજબ વાંકાનેરના ચંદ્રપુર નજીક માર્કેટિંગ યાર્ડ સામે નેશનલ હાઇવે પર નુર પ્લાઝા ખાતે ટ્રક પાર્કિંગમાંથી ટ્રક પાર્ક કરી હાઇવે ઓળંગતા બે યુવાનોને બાઉન્ડ્રી તરફથી પુર ઝડપે આવતી એક હ્યુન્ડાઈ વરના કાર નં. GJ 36 L 9229 ના ચાલકે હડફેટે લેતા ગંભીર અકસ્માત સર્જાયો હોય, જેમાં સિંકદરખાન અબ્બાસખાન કુંભાર (ઉ.વ. ૩૪, રહે. બાડમેર, રાજસ્થાન) નામના યુવાનને ગંભીર ઈજાઓ પહોંચતાં તેનું ઘટનાસ્થળે જ કરૂણ મોત થયું હતું, જ્યારે તેની સાથે રહેલ નુરાખાન શકરૂખાન કુંભાર (રહે. બાડમેર, રાજસ્થાન) નામના યુવાનને પણ ગંભીર ઇજાઓ પહોંચતા તેને તાત્કાલિક સારવાર અર્થે હોસ્પિટલ ખાતે ખસેડવામાં આવ્યા હોવાની માહિતી મળી રહી છે…..
અત્રે ઉલ્લેખનીએ છે કે આ બનાવમાં કાર ચાલક મોરબીના રહેવાસી હોય અને પ્રસંગમાંથી પરિવાર સાથે પરત ઘર તરફ જઈ રહ્યા હોય, દરમ્યાન બંને યુવાનો અચાનક કાર આડે ઉતરતા અકસ્માત સર્જાયો હોય, જેમાં કાર પુલ સાથે અથડાતા કારમાં બેઠેલા દંપતિને પણ સામાન્ય ઇજાઓ પહોંચી હતી….
