વાંકાનેર તાલુકા પોલીસ ટીમ દ્વારા ચોક્કસ ખાનગી બાતમીને આધારે વાંકાનેર તાલુકાના પાડધરા નજીક વોચ ગોઠવી અહીંથી પસાર થતી એક ઇકો કારને રોકી તલાશી લેતા ઇકોમાંથી ૫૦૦ લીટર દેશી દારૂનો જથ્થો મળી આવ્યો હતો, જેથી પોલીસે કાર ચાલકની અટકાયત કરી દારૂનો જથ્થો મોકલનાર તથા મંગાવનારના અન્ય બે ઇસમો વિરૂધ્ધ પણ ગુનો નોંધી કાયદેસરની કાર્યવાહી હાથ ધરી છે….
બનાવની પ્રાપ્ત વિગતો મુજબ વાંકાનેર તાલુકા પોલીસ ટીમ દ્વારા ચોક્કસ ખાનગી બાતમીને આધારે વાંકાનેરના પાડધરા ગામ નજીક આવેલ મહાનદીના પુલ પાસે વોચ ગોઠવી એક નંબર પ્લેટ વગરની સિલ્વર કલરની મારૂતી સુઝુકી ઇકો કારને રોકી તલાસી લેતા તેમાંથી 500 લીટર દેશી દારૂનો જથ્થો મળી આવ્યો હતો, જેથી પોલીસે દારૂ તથા ઇકો કાર સહિત કુલ રૂ. ૪,૦૦,૦૦૦ના મુદ્દમાલ સાથે આરોપી અજયભાઇ ભગવાનભાઈ મકવાણા (ઉ.વ.૨૦, રહે. નાળીયેરી તા. ચોટીલા)ને પકડી પાડી પ્રાથમિક પૂછપરછ કરતાં દારૂનો જથ્થો ચાંપરાજભાઇ (રહે. જાનીવડલા, તા. ચોટીલા)એ આપ્યો હોય અને મયુર ઉર્ફે નાગરાજ હરેશભાઇ અસવાર (રહે. ઢુવા, તા. વાંકાનેર)એ મંગાવ્યો હોવની કબુલાત આપતા પોલીસે ફરાર બંને આરોપીઓ વિરુદ્ધ પણ ગુનો નોંધી કાયદેસરની કાર્યવાહી હાથ ધરી છે…
વાંકાનેર વિસ્તારમાં બનતી દરેક ઘટના અને દરેક સમાચારો સૌથી પહેલા મેળવવા માટે ચક્રવાત ન્યુઝ સાથે જોડાઓ….🗞️
👉🏻 નીચેની લિંક પર ક્લિક કરી અમારા WhatsApp ગ્રુપમાં જોડાઓ અને અન્ય લોકોને પણ આ લિંક Share કરી તેમને આપણી સાથે જોડો…..👇🏻👇🏻👇🏻
https://chat.whatsapp.com/Bq4VwasfRH78d4j5Ci0O5L
