વાંકાનેર સીટી પોલીસ ટીમ દ્વારા શહેર નજીક આવેલ અમરસર ચેકપોસ્ટ ખાતેથી પસાર થતા એક યુવાનને રોકી તલાસી લેતાં તેના બેગમાંથી મોંઘીદાટ ચાર બોટલ વિદેશી દારૂની મળી આવી હતી, જેથી પોલીસે રૂ. 10,960ની કિંમતની ચાર બોટલ વિદેશી દારૂ સાથે આરોપીની અટકાયત કરી તેની સામે પ્રોહીબીશન એક્ટ હેઠળ ગુનો નોંધી કાયદેસરની કાર્યવાહી હાથ ધરી છે…
બનાવની પ્રાપ્ત વિગતો મુજબ ગતરાત્રિના વાંકાનેર સિટી પોલીસ ટીમના અમરસર ચેકપોસ્ટ નજીક વાહન ચેકિંગ દરમિયાન અહીંથી શંકાસ્પદ હાલતમાં પગપાળા પસાર થતા આરોપી રાહુલભાઇ ઉર્ફે ચીકુ પવનકુમાર બાંખેડે (ઉ.વ. ૨૦, રહે. સોનીપત, હરિયાણા)ને રોકી તેની પાસેના બેગની તલાશી લેતા તેમાંથી બેલેન્ટાઇન્સ ફાઇનેસ્ટ બ્લેન્ડેડ સ્કોચ વ્હીસ્કીની બે બોટલ તથા જેમસન ટ્રીપલ ડિસ્ટીલ્ડ આઇરીશ વ્હીસ્કીની બે મળી કુલ રૂ. 10,960 ની કિંમતની ચાર બોટલ વિદેશી દારૂની મળી આવી હતી, જેથી પોલીસે આરોપીની અટકાયત કરી તેની સામે પ્રોહીબિશન એક્ટ હેઠળ ગુનો નોંધી ધોરણસરની કાર્યવાહી હાથ ધરી છે….
વાંકાનેર વિસ્તારમાં બનતી દરેક ઘટના અને દરેક સમાચારો સૌથી પહેલા મેળવવા માટે ચક્રવાત ન્યુઝ સાથે જોડાઓ….🗞️
👉🏻 નીચેની લિંક પર ક્લિક કરી અમારા WhatsApp ગ્રુપમાં જોડાઓ અને અન્ય લોકોને પણ આ લિંક Share કરી તેમને આપણી સાથે જોડો…..👇🏻👇🏻👇🏻
https://chat.whatsapp.com/KIgps7vMp91KXn5yxpBh65
