ગુજરાતમાં બેઠાડું દારૂ વેચાણ, ડ્રગ્સ માફિયા અને ભ્રષ્ટ પોલીસ અધિકારીઓ જેવા સંવેદનશીલ મુદ્દાઓને લઈને કોંગ્રેસ અગ્રણી અને વડગામના ધારાસભ્ય જીગ્નેશ મેવાણીએ તાજેતરમાં ઉઠાવેલા પ્રશ્નોને વાંકાનેર નગરપાલિકાના મહિલા સદસ્ય એકતાબેન હસમુખભાઈ ઝાલાએ ખુલ્લું સમર્થન આપ્યું છે…
વિડિયો સંદેશ મારફતે એકતાબેન ઝાલાએ જણાવ્યું કે, રાજ્યમાં વધતા દારૂના પ્રવેશ અને ડ્રગ્સ દૂષણને કારણે સામાન્ય લોકોના જીવન પર ગંભીર અસર પડી રહી છે, છતાં જવાબદાર તંત્ર દ્વારા યોગ્ય કાર્યવાહી થતી ન હોવાનું તેઓ માને છે. તેમણે ઉમેર્યું કે જીગ્નેશ મેવાણી દ્વારા રજુ કરાયેલા મુદ્દા જનહિત અને કાયદો–વ્યવસ્થાના પ્રશ્નો છે, જેને રાજકીય ચશ્માથી નહીં જોશો તો સામાન્ય નાગરિકોની પીડા સ્પષ્ટ દેખાય છે…
સમગ્ર ગુજરાતમાં સ્થાનિક સ્તરે પણ દારૂ અને ડ્રગ્સ માફિયાઓના વધી રહેલા બેફામ કારોબાર અંગે લોકોમાં અસંતોષ જોવા મળે છે. નગરપાલિકા સભ્યએ તંત્રને માંગણી કરી છે કે, આવા માફિયાઓ સામે કડક પગલાં લેવામાં આવે તથા પોલીસ વિભાગમાં જોવા મળતા ભ્રષ્ટાચાર પર અંકુશ મુકાય. સમાજના હિત અને સુરક્ષા સંબંધિત આ મુદ્દે વાંકાનેરમાં પણ ચર્ચા ગરમાઈ રહી હોય, નગરજનો હવે તંત્રથી સખત કાર્યવાહી અને પારદર્શિતા અપનાવવાની અપેક્ષા રાખી રહ્યા છે….
