મચ્છુ ડેમ 95% ભરાઇ જતાં ડેમની સપાટી 48.30 ફુટે પહોંચી, પાણીની ઝાલરો શરૂ થતાં ડેમ લગભગ ઓવરફ્લો….
વાંકાનેર વિસ્તારની જીવાદોરી સમાન મહાકાય મચ્છુ 1 ડેમની જળસપાટી આજરોજ શનિવાર બપોરે 48.30 ફુટે પહોંચતા મહાકાય મચ્છુ ડેમ સતત સાતમાં વર્ષે ઓવરફ્લો થવાની તૈયારીમાં છે, જેમાં હાલ ડેમની પારી પરથી પવનના કારણે પાણીની ઝાલરો શરૂ થતાં ડેમ ઓવરફ્લો થયા હોય તેવા દ્રશ્યો કેમેરામાં કેદ થયા છે. આ સાથે જ હાલ ડેમમાં 2511 ક્યુસેક જેટલી ધીમી પાણીની આવક પણ ચાલુ હોવાની વિગતો મળી રહી છે….
બાબતે મચ્છુ ડેમની સ્થિતિ જોતાં વહીવટી તંત્ર દ્વારા ડેમ ઓવરફ્લો થવાની તૈયારીમાં હોય ત્યારે મચ્છુ નદી વિસ્તારમાં આવતા વાંકાનેર તાલુકાના હોલમઢ, જાલસીકા, વાંકાનેર શહેર, મહિકા, કોઠી, ગારીયા, જોધપર, પાજ, રસીકગઢ, લુણસરીયા, કેરાળા, હસનપર, પંચાસર, વઘાસીયા, રાતીદેવળી, વાંકિયા, રાણેકપર, પંચાસીયા, ઢુવા અને ધમલપર ગામ તેમજ મોરબી તાલુકાના અદેપર, મકનસર, લખધીરનગર અને લીલાપર એમ કુલ 24 ગામોને એલર્ટ આપવામાં આવ્યું છે, જે તમામ ગામના નાગરિકોને નદીના પટમાં નહિ જવા અને સલામતી સ્થળે ખસી જવા તંત્ર દ્વારા સુચના આપવામાં આવી છે….
