વાંકાનેર વિસ્તારમાં ભેજાબાજ બુટલેગરો બેફામ બનતા પોલીસ વિભાગ પણ આવા બુટલેગરોને કાબૂમાં લેવા તજવીજ શરૂ કરી છે, જેમાં વાંકાનેર તાલુકા પોલીસ ટીમે ઢુવા ગામે આવેલ એક રહેણાંક મકાનમાં દરોડો પાડી ફળિયામાં ખાડો ખોદી સંતાડી રાખેલ 108 બોટલો વિદેશી દારૂ સાથે એક શખ્સને ઝડપી લીધો હતો….
બનાવની પ્રાપ્ત વિગતો મુજબ વાંકાનેર તાલુકા પોલીસ ટીમના પેટ્રોલિંગ દરમિયાન હેડ કો. મયુરધ્વજસિંહ જાડેજા અને કો. રવિભાઈ કલોત્રાને મળેલ ચોક્કસ ખાનગી બાતમીને આધારે વાંકાનેર તાલુકાના ઢુવા ગામે આવેલ મુકેશભાઈ બાબુભાઈ કારેલીયાના રહેણાંક મકાનમાં દરોડો પાડી ઘરમાં ફળિયામાં ખાડો ખોદી સંતાડી રાખેલ વિદેશી દારૂનો જથ્થો ઝડપી લીધો હતો,
જેમાં પોલીસે જમીનમાં ખાડો ખોદી પ્લાસ્ટિકના મોટા ઝબલામાં સંતાડેલ અલગ અલગ બ્રાન્ડની 108 બોટલ વિદેશી દારૂ (કિંમત રૂ. 42,900) સાથે આરોપી મુકેશભાઈ બાબુભાઈ કારેલીયા (ઉ.વ. ૩૦)ને ઝડપી લીધો હતો, જે આરોપીની પ્રાથમિક પુછપરછમાં તેણે આ દારૂની બોટલો આરોપી રમેશભાઈ ચોથાભાઈ કિહલા (રહે. સુદામડા તા. સાયલા) પાસેથી મેળવી હોવાની કબૂલાત આપતાં પોલીસે તેની સામે પણ ગુનો નોંધી ધોરણસરની કાર્યવાહી હાથ ધરી છે…
વાંકાનેર વિસ્તારમાં બનતી દરેક ઘટના અને દરેક સમાચારો સૌથી પહેલા મેળવવા માટે ચક્રવાત ન્યુઝ સાથે જોડાઓ….🗞️
👉🏻 નીચેની લિંક પર ક્લિક કરી અમારા WhatsApp ગ્રુપમાં જોડાઓ અને અન્ય લોકોને પણ આ લિંક Share કરી તેમને આપણી સાથે જોડો…..👇🏻👇🏻👇🏻
https://chat.whatsapp.com/FdlXCMmcXbcAwSSZOLSzDD
