મોરબી જિલ્લામાં દારૂ અને જુગારની અસામાજિક પ્રવૃત્તિઓને સંપૂર્ણપણે નાબૂદ કરવા માટે પોલીસ દ્વારા કડક ઝુંબેશ ચલાવવામાં આવી રહી છે. આ ઝુંબેશ અંતર્ગત મોરબી એલ.સી.બી. (LCB) ટીમે ચોક્કસ બાતમીના આધારે વાંકાનેર પાસેથી દેશી દારૂની મોટી હેરાફેરીનો પર્દાફાશ કરી ત્રણ શખ્સોને લાખો રૂપિયાના મુદ્દામાલ સાથે દબોચી લીધા છે…
પ્રાપ્ત વિગતો અનુસાર, મોરબી એલ.સી.બી. પોલીસને ખાનગી રાહે બાતમી મળી હતી કે, આરોપી સની શાંતિભાઈ દેવીપુજક (રહે- મોરબી) વાકાનેર બાઉન્ડ્રી બાજુથી બોલેરો પીકઅપ ગાડીમાં દેશી દારુ ભરીને પોતાની કીયા સોનેટ ફોરવ્હીલ ગાડીથી દેશી દારુ ભરેલ બોલેરો પીકઅપ ગાડીનું પાઇલોટીંગ કરીને વાંકાનેર થી રાતીદેવડી થી મોરબી બાજુ જવાનો હોય જેના આધારે પોલીસે સ્થળ પર વોચ ગોઠવી બાતમી વાળી બોલેરો અને સોનેટ ગાડીને અટકાવી તલાસી લેતાં વાહનોમાંથી ૬૦૦ લિટર જેટલો દેશી દારૂ મળી આવ્યો હતો.
જેથી પોલીસે દેશી દારૂનો જથ્થો, એક મહિન્દ્રા બોલેરો પિક-અપ, એક કિયા સોનેટ કાર તેમજ મોબાઈલ ફોન સહિત કુલ રૂ. ૧૪,૩૦,૦૦૦ની કિંમતના મુદ્દામાલ સાથે આરોપી ૧). અરવિંદ મુકેશભાઈ સોલંકી (ઉ.વ. 20, રહે. સનાળા, મોરબી), ૨). સની શાંતિભાઈ કડેવાર (ઉ.વ. ૩૨, રહે. સનાળા, મોરબી) અને ૩). પ્રકાશ જયંતીભાઈ કુંઢીયા (ઉ.વ. 20, રહે. ભીમસર, મોરબી) ની ધરપકડ કરી ત્રણેય શખ્સો વિરુદ્ધ પોલીસે પ્રોહિબિશન ધારા હેઠળ ગુનો નોંધીને આગળની કાયદેસરની કાર્યવાહી અને પૂછપરછ હાથ ધરી છે.
