વાંકાનેર તાલુકાના લુણસર ગામના પ્લોટ વિસ્તારમાં તાલુકા પોલીસના પેટ્રોલિંગ દરમિયાન શંકાસ્પદ હાલતમાં પસાર થતી એક સ્કોર્પિયો કારને રોકી તલાશી લેતા કારમાંથી એક નંગ વિદેશી દારૂના ચપલા જેની કિંમત રૂ. 150 મળી આવતાં પોલીસે દસ લાખની કિંમતની કાર તથા વિદેશી દારૂ સહિત કુલ રૂ. 10,00,150 ના મુદ્દામાલ સાથે મોરબીના રહેવાસી યુવાનની અટકાયત કરી ધોરણસરની કાર્યવાહી હાથ ધરી છે…
બનાવની પ્રાપ્ત વિગતો મુજબ વાંકાનેર તાલુકા પોલીસ ટીમના લુણસર વિસ્તારમાં પેટ્રોલિંગ દરમિયાન લુણસરના પ્લોટ વિસ્તારમાં આવેલ સહકારી મંડળી નજીકથી શંકાસ્પદ હાલતમાં પસાર થતી એક મહીન્દ્રા સ્કોર્પિયો કાર નં. GJ 03 NB 8888 ને રોકી તલાશી લેતા કારમાંથી ૪૦૦ મીલી વિદેશી દારૂની એક બોટલ (કિંમત રૂ. ૧૫૦) મળી આવતાં પોલીસે કાર ચાલક આરોપી મનીષ ઓધવજીભાઈ વસિયાણી (ઉ.વ. 38, રહે.વૃંદાવન પાર્ક, દલવાડી સર્કલ, મોરબી, મૂળ રહે.લુણસર)ની વિદેશી દારૂ તથા દસ લાખની કિંમતની કાર સહિત કુલ રૂ. 10,00,150 ના મુદ્દામાલ સાથે અટકાયત કરી આરોપી વિરુદ્ધ પ્રોહીબિશન એકટ મુજબ ગુન્હો નોંધી ધોરણસરની કાર્યવાહી હાથ ધરી છે….