ણવાંકાનેર શહેર ખાતે ‘વિકાસ સપ્તાહ’ની ઉજવણીના ભાગરૂપે શ્રીમતી ઇન્દુબેન લલીતભાઈ મહેતા મહિલા કોમર્સ કોલેજ ખાતે સાંસ્કૃતિક કાર્યક્રમનું આયોજન કરવામાં આવ્યું હોય, જેમાં કોલેજની દીકરીઓએ વિકાસ સંબંધિત વિષયો પર પોતાની પ્રતિભા અને કૃતિઓ થકી સરકારશ્રી દ્વારા અમલમાં રહેલી વિવિધ યોજનાઓ અંગે વિગતવાર માહિતી આપી હતી. આ યોજનાઓ દ્વારા મહિલાઓ આત્મનિર્ભર બની આગળ વધે તેવો પ્રેરણાત્મક સંદેશ પણ આપવામાં આવ્યો હતો….
વિકાસ સપ્તાહની ઉજવણીના ભાગરૂપે યોજાયેલ વિવિધ સ્પર્ધાઓમાં વિજેતા દીકરીઓને પ્રોત્સાહનરૂપ ઇનામો એનાયત કરવામાં આવ્યા હતા, જે બાદ ઉપસ્થિતો દ્વારા ભારત વિકાસ સપથ લેવામાં આવી હતી. આ પ્રસંગે વાંકાનેર બાળ વિકાસ યોજના અધિકારી વૈશાલીબેન પટગીર, સંસ્થાના ઉપપ્રમુખશ્રી કલ્પેન્દુભાઈ મહેતા, અમરશીભાઈ મઢવી, ટ્રસ્ટીશ્રી, પ્રિન્સિપાલશ્રી, પ્રાધ્યાપક મંડળ, જિલ્લા કો-ઓર્ડિનેટરશ્રી મયુરભાઈ સોલંકી, મહિલાઓ અને કિશોરીઓ સહિતના ઉપસ્થિત રહ્યા હતા….
