Saturday, November 29, 2025
More
    Homeમુખ્ય સમાચારવાંકાનેરના પંચાસર બાયપાસ પર ગઇકાલે ખુલ્લા મુકાયેલ પુલની સાંસદ દ્વારા સમીક્ષા કરાઇ,...

    વાંકાનેરના પંચાસર બાયપાસ પર ગઇકાલે ખુલ્લા મુકાયેલ પુલની સાંસદ દ્વારા સમીક્ષા કરાઇ, બાકી રહેતી અધૂરી કામગીરી પૂર્ણ કરવા તાકીદ….

    પુલના ઉદ્ઘાટનમાં પણ રાજકીય જુથબંધી ચરમસીમાએ…: અધુરી કામગીરી વચ્ચે જ પુલને ખુલ્લો મુકાયાનો દાવો….

    વાંકાનેર ભાજપમાં લાંબા સમયથી ચાલી આવતી જૂથબંધીના કારણે પંથકનો વિકાસ ખોરંભે ચડી ગયો છે, જેમાં સામાન્ય રીતે બે મહિનામાં પુર્ણ કરવાની પંચાસર બાયપાસ પુલની કામગીરી છેલ્લા દોઢ વર્ષથી ચાલી રહી છે, જેના કારણે શહેરમાં માથાના દુઃખાવા રૂપ ટ્રાફિક સમસ્યાએ માજા મુકી છે, જેના કારણે નાગરિકો વિવિધ સમસ્યાઓથી પિલાઇ રહ્યા છે, ત્યારે ગઇકાલ આ પુલને ધારાસભ્ય જુથ દ્વારા ખુલ્લો મુકવામાં આવ્યો હોય, જે બાદ આજરોજ સાંસદ સભ્ય જુથ દ્વારા પુલની કામગીરીની સમીક્ષા કરી અધુરી કામગીરી વચ્ચે જ ગઇકાલે પુલને ખોટી રીતે ખુલ્લો મુકાયાનો દાવો કરવામાં આવ્યો છે, જે બાદ સાંસદ સભ્ય કેશરીદેવસિંહ ઝાલા દ્વારા આજરોજ જવાબદાર અધિકારી અને કોન્ટ્રાક્ટરને તાત્કાલિક સૂચના આપી આ પુલની બાકી રહેતી કામગીરી 24 કલાકમાં પૂર્ણ કરવા જણાવ્યું છે…

    આ પુલ બંધ થવાની શહેરમાં ટ્રાફિક સમસ્યા ઘેરી બનતા રાજ્યસભાના સાંસદ કેશરીદેવસિંહ ઝાલાએ મોરબી જિલ્લા માર્ગ મકાન વિભાગના અધિકારીઓને તેમજ ગાંધીનગર મંત્રી અને મુખ્યમંત્રી સુધી રજૂઆતો કરી પુલના રીપેરીંગની કામગીરી ઝડપથી હાથ ધરવામાં આવે તેવી રજૂઆતો કરવામાં આવી હતી. જો કે પુલના એક ગાળાની મરામત માટે દોઢ વર્ષનો સમય લાગ્યો જેના માટે કુદરતી આફતો તેમજ કોન્ટ્રાક્ટરની બેદરકારી જવાબદાર ગણાવી શકાય છતાં અવાર નવાર સાંસદ ઝાલા દ્વારા રજૂઆતો કરી પુલના રીપેરીંગની કામગીરી પૂર્ણ કરવા અંગત રસ દાખવ્યો હતો…

    ગઇકાલે ખુલ્લો મૂકવામાં આવેલા આ પુલની આજરોજ સાંસદ કેશરીદેવસિંહ ઝાલા સહિતની ટીમ સમીક્ષા કરવા ઘટનાસ્થળે પહોંચ્યા હતા. આખા પુલ પર પગપાળા ચાલી કામગીરીની સમીક્ષા કરી હતી, જેમાં ખાસ કરીને બે ગાળા વચ્ચેના જોઇન્ટ તેમજ નાની મોટી કામગીરી બાબતે ઉપસ્થિત અધિકારીઓ તથા કોન્ટ્રાકટરને આજના દિવસે જ કામગીરી પૂરી કરવા તાકીદ કરી હતી…

    વાંકાનેર વિસ્તારમાં બનતી દરેક ઘટના અને દરેક સમાચારો સૌથી પહેલા મેળવવા માટે ચક્રવાત ન્યુઝ સાથે જોડાઓ….🗞️

    👉🏻 નીચેની લિંક પર ક્લિક કરી અમારા WhatsApp ગ્રુપમાં જોડાઓ અને અન્ય લોકોને પણ આ લિંક Share કરી તેમને આપણી સાથે જોડો…..👇🏻👇🏻👇🏻

    https://chat.whatsapp.com/DUc99RScoPA5Si0rJwdfva?mode=wwt

    RELATED ARTICLES

    Most Popular

    Recent Comments

    error: Content is protected !!