વાંકાનેરના ચંદ્રપુર ખાતે આવેલ ગેલેક્સી સ્કુલ તથા સિંધાવદર ખાતે આવેલ મદની સ્કુલ ખાતે આજરોજ મોરબી આરટીઓ દ્વારા માર્ગ સલામતી સપ્તાહ અંતર્ગત વિદ્યાર્થીઓમાં ટ્રાફિક નિયમો અંગે જાગૃતિ લાવવા માટે માર્ગદર્શન સેમિનાર નું આયોજન કરવામાં આવ્યું હતું….
આ સેમિનારમાં મોરબી આરટીઓ કચેરીમાંથી આરટીઓ ઇન્સ્પેક્ટર એ. આર. સૈયદ તથા તેમની ટીમ દ્વારા બંને શાળાના વિદ્યાર્થીઓને ટ્રાફિક નિયમો અંગે જાગૃતિ માટે માહિતી આપી અકસ્માતના સમયે રાખવાની સાવચેતી તથા અકસ્માતગ્રસ્તોની મદદ કરવા માટે સમજણ આપી માર્ગ સલામતી સપ્તાહની ઉજવણી કરવામાં આવી હતી….
સિંધાવદરની મદની સ્કુલ ખાતે પ્રજાસત્તાક પર્વની ઉત્સાહભેર ઉજવણી કરાઇ….
વાંકાનેરના સિંધાવદર ગામની મદની સ્કુલ ખાતે ૭૬માં પ્રજાસત્તાક પર્વની ઉત્સાહભેર ઉજવણી કરવામાં આવી હોય જેમાં શાળાના પ્રાંગણમાં ધ્વજવંદન શાળાની ભૂતપૂર્વ વિદ્યાર્થીની અને તલાટી કમમંત્રી અકસાબેનના હસ્તે કરવામાં આવેલ હતું. ધ્વજવંદન બાદ સાંસ્કૃતિક કાર્યક્રમો યોજાયા હોય, જેમાં સ્કુલના બાળકોએ વક્તવ્ય, નાટક, સ્વાગત ગીત, થાળીરાસ, પીરામીડ, દેશભક્તિ ગીત જેવા કાર્યક્રમો રજુ કર્યા હતા. આ પ્રસંગે શાળાના પિ્રન્સીપાલ ઈરફાન સાહેબએ પ્રસંગને અનુરૂપ પ્રવચન આપ્યું હતું. જેમાં દેશની એકતા, બિનસાંપ્રદાયિકતા, અખંડિતતા પર અને શિક્ષણના મહત્વ પર ભાર મુક્યો હતો. આ તકે શાળાના તેજસ્વી વિદ્યાર્થીઓને શિલ્ડ આપી પ્રોત્સાહિત કરાયા હતા. જે સમગ્ર કાર્યક્રમમાં વિદ્યાર્થીઓ, વાલીઓ, આગેવાનો તેમજ ભૂતપૂર્વ છાત્રો સહિતના ઉપસિ્થત રહ્યા હતા….
વાંકાનેર વિસ્તારમાં બનતી દરેક ઘટના અને દરેક સમાચારો સૌથી પહેલા મેળવવા માટે ચક્રવાત ન્યુઝ સાથે જોડાઓ….🗞️
👉🏻 નીચેની લિંક પર ક્લિક કરી અમારા WhatsApp ગ્રુપમાં જોડાઓ અને અન્ય લોકોને પણ આ લિંક Share કરી તેમને આપણી સાથે જોડો…..👇🏻👇🏻👇🏻
https://chat.whatsapp.com/LW0zizvUzkD8ZB62pi9Fm0
