વાંકાનેર પંથકમાં ચોમાસાની શરૂઆતથી મેઘરાજા અવિરત અમી કૃપા વરસાવી રહ્યા છે, ત્યારે વાંકાનેર પંથકની જીવાદોરી સમાન મહાકાય મચ્છુ 1 ડેમની જળ સપાટીમાં ધરખમ વધારો નોંધાયો છે, જેમાં અવિરત ઝરમર ઝરમર વરસાદના કારણે ડેમમાં નવા નીરની આવક શરૂ થતાં હાલ મચ્છુ ડેમની જળસપાટી 40 ફુટે પહોંચી છે, જ્યારે હાલ ડેમમાં 600 ક્યુસેટ જેટલી ધીમી પાણીની આવકમાં નોંધાઇ રહી છે….
પંદર દિવસથી વાંકાનેર વિસ્તારમાં શરૂ થયેલ ચોમાસા દરમ્યાન મચ્છુ ડેમ સાઇટ પર કુલ 310 મીમી જેટલો વરસાદ નોંધાયો છે, આ સાથે જ ચોટીલા, કુવાડવા, જસદણ સહિત વિસ્તારમાં પડેલા વરસાદના કારણે મચ્છુ 1 ડેમની જળ સપાટીમાં સતત વધારો થઇ રહ્યો છે, જે વાંકાનેર પંથકના નાગરિકો અને ખેડૂતો માટે રાહતરૂપ સમાચાર બની રહ્યા છે. હાલ મચ્છુ ૧ ડેમની કુલ સંગ્રહ ક્ષમતાના 50 ટકા જેટલા પાણીનો સંગ્રહ થયો હોવાની વિગતો મળી રહી છે….
