વાંકાનેરની દોશી કોલેજ ખાતે નારી સુરક્ષા અંગે દિકરીઓને સ્વરક્ષણ તાલિમ અપાઇ….

February 3, 2026

વર્તમાન સમયના પડકારોનો મહિલાઓ સરળતાથી સામનો કરી શકે તે માટે સરકાર દ્વારા નારી ગૌરવ નીતિનું પુનઃઘડતર કરવામાં આવ્યું હોય, જે અંતર્ગત મહિલા અને બાળ વિકાસ વિભાગ દ્વારા વાંકાનેરની દોશી કોલેજ ખાતે મહિલાઓને સ્વરક્ષણ અંગે તાલીમ આપવામાં આવી હતી.

વાંકાનેરની એચ. એન. દોશી આર્ટ્સ એન્ડ આર એન દોશી કોમર્સ કોલેજ, ખાતે ગત શનિવારના રોજ “સ્વ રક્ષણ માટેની જરૂરી ટેકનિકો” વિષય પર તાલીમનું આયોજન કરવામાં આવ્યું હોય, જેમાં રાજકોટની પ્રખ્યાત મહર્ષિ એકેડમીના આદ્યસ્થાપક નયનભાઈ ચાવડા અને તેમની ટીમ દ્વારા કોલેજની વિદ્યાર્થીનીઓને વિપરીત સંજોગોમાં આત્મરક્ષા માટેની ટેકનિકો સચોટ રીતે શીખવાડવામાં આવી હતી…